ҮЕҰ Дерекқоры бойынша топик

2017 жылғы 1 наурыздан бастап «ҮЕҰ Дерекқоры» ақпараттық ресурсы (infonpo.kz)жұмысын бастады. Аталмыш ақпараттық ресурс арқылы ҮЕҰ-ның өкілдері «Коммерциялық емес ұйымдар туралы» Қазақстан РеспубликасыныңЗаңының 41-бабының 5-тармағына сәйкес ҮЕҰ Дерекқорына енгізу үшін өз қызметтері туралы мәліметтер ұсынуға мүмкіндік алды.

Ақпараттық ресурс жұмысының бірінші күнінің қорытындысы бойынша ҮЕҰ Дерекқорына өзінің қызметі туралы мәліметті 24ҮЕҰ жіберді.

«ҮЕҰ Дерекқоры»  ақпараттық ресурсының басты бетінде жаднама, Қолданушыларға арналған нұсқаулық, Мәдениет және спорт министрінің 2016 жылғы 19 ақпандағы
№ 51 бұйрығымен бекітілген Үкіметтік емес ұйымдарымен өз қызметі жөніндегі мәліметтерін ұсыну және олар туралы дерекқорды қалыптастыру қағидалары, қағидаларға сәйкес әдістемелік ұсынымдар, сондай-ақ, ҮЕҰ Дерекқоры бойынша жиі қойылатын сұрақтар мен жауаптар орналастырылған.

Аталмыш материалдар «ҮЕҰ Дерекқоры» ақпараттық ресурсында жұмыс істеуді жеңілдетуге арналған.

Есепті өткізу үшін Халыққа қызмет көрсету орталықтарында ЭЦҚ алу қажет.

Мәліметтерді пошта арқылы тапсыру, мәліметтерді интернет арқылы тапсыруға мүмкіндігі жоқ азаматтарға арналған баламалы нұсқа болып табылады. 

Бірінші күні мәлімет өткізген ҮЕҰ-ның саны, мәліметтерді ақпараттық ресурс арқылы тапсыру рәсімі ҮЕҰ үшін қиын емес екенін дәлелдейді. Осыған орай, ҮЕҰ-ны мәліметтерін «ҮЕҰ Дерекқоры» ақпараттық ресурсы (infonpo.kz) арқылы ұсынуға шақырамыз.